صحافة لافوار

اسماعيل واحي

لاحظت مؤخرا ظهور نوع مقزز مما يزعم المشعوذون كذبا أنه صحافة، في حين أنه كيشبه داك السويرتي ولا التقمار لي كان فلافوارات ديالشحال هادي، وهاد البلان كاين بزاف فيوتوب..

كتلقى شي نماذج “الله يسمح لينا” لا زين لافصالة كي الصندالة (الزين كايحشم على زينو)، كيهضرو شوية ويطلقو الشعبي شوية،مكتعرفهم واش صحافيين ولا مالين البوق فلافوارات، مكتعرفهم واش كايهضرو ولا كايدابزو، وكلامهم كله كذب وتدليس وتظليل، وتشيار،مكاين غير دير شي فشي وحشي، ماشي مهم آش داكشي المهم يبتزو ويدوزو رسائل التهديد وسط الكديد، وميساجات الابتزاز وسطالتقلاز

هانية ماشي مشكل الطنز على العقول، وماشي مشكل أن القضايا لي زعما زعما كيدافعو عليها تفقد الزخم ديالها ويتم التشويش عليهابسبب هاد الأسلوب ديال القمارا، وماشي مشكل مصلحة البلاد تتمس، وماشي مشكل سيدنا يتطاولو عليه، وماشي مشكل الشرفاء يتمالهجوم على السمعة ديالهم، المهم هو مول البوق يربح، وأمام المصالح الشخصية ديال مول البوق فل يذهب العالم ومن عليه الى الجحيم،المهم مول البوق يوصل لداكشي لي باغي.

زيد.. زيد..زيد..خلص درهم تربح 10..خلص 10 تربح ميا ولا مقراج ولا صينية..ولاشبكة قوقية، المهم الجوقة مجموعة والقضية شاخدة،والموسيقى الصاخبة مغطية على كلشي، وريحة الحرتوكة مخلطة مع كازا سبور والصنان كايدور.

وفوسط هاد الملحمة العدمية كاين لي كايدور يضرب البزاطم وكاين لي داير عكاز وكايسعى وكاين لي كايتحرش، وكاين لي ضارب ماحياتحت منو وجاي يحرش، وكاين لي طالق عينيه على شي وحدة غافلة على ولدها الصغير باش يخطفو ليها، وفاللخر كلشي خاسر وحتى واحدمكايربح من غير مول البوق لي شوية يهضر بصوته الخشن من كثرة الطاسة والكارو، وشوية يطلق ليهم الشعبي باش يسخن الطرح، ويعتمعلى المسخ لي طايح ليه على كمارتو، وعلى التدليس والتضليل والنصب على العقول، وعند بالو زعما راه هو مخبي وسط هاد العشوائيةوالضوضاء ومكاينش لي يقدر يعيق به، أو حتى ذا عاق به شي حد غادي يحشي ليه سميتو وسط شي طلسم ولا حرز ويكتب عليه عضوجديد فالبنية السحرية، باش زعما يخلعو وخليه يخاف ويرجع اللور.

المهم هاد النوع الجديد ديال صحافة لافوار، لي ظهر مؤخرا، مغاديش يطول، خصوصا بعدما حاول مول البوق ملي عرف راسو قفرهابالمعقول بغى يتخبع ف25  سنة من حكم جلالة الملك محمد السادس نصره الله علما ان كلشي عرف بلي هاد مول البوق صاحب صحافةلافوار عمروا تكلم على إنجازات جلالة الملك، بل كان كايدير الاشهار لمن يسبون ويهددون جلالة الملك.

وعليه أ السي مول البوق وصاحب صحافة لافوار مكاين لاش ضيع الحجرة ديال البوق ديالك فالمزيد من التضليل والتدليس والتطاول علىالشرفاء وتهديدهم بميساجات مشفرة وسط تحياحات ديالك، لأن كلشي عاق بيك، ووليتي بطاقة خاسرة، بلاصة ما دافع على القضية،شتفتي عليها، وعلى لي معك، وعلى المنطق، وحتى على راسك.

طلاسمك لن تنفعك في شيء، سير طلب الله يلطف بيك فالايام المقبلة، إذ لا يستوى لي ماعمر سجل عليه التاريخ أي فعل تآمري على البلادولا والتطاول على الشرفة لي حاكمين البلاد، وبين لي تعمد يتآمر عليهم وتبجح بدعم ومساندة من يسب ويهدد ويتطاول على الشريف الكبير،وذلك خطأ فادح وجسيم لم ولن يغتفر.

المغرب قبل كل شيء ولا غالب إلا الله